Şirkətimiz müəssisə və təşkilatlara Azərbaycan Respublikasının Qanunvericiliyinə istinadən, eləcə də digər əlaqədar normativ hüquqi aktlara tam uyğun olaraq, ətraf mühitin qorunması sahəsində geniş spektrli və keyfiyyətli xidmətlər təqdim edir. Təqdim etdiyimiz xidmətlər müəssisələrin ekoloji tələblərə tam riayət etməsini təmin etməklə yanaşı, davamlı inkişaf və ekoloji dayanıqlılıq prinsiplərinin həyata keçirilməsinə dəstək verir.

Xidmətlərimiz aşağıdakı istiqamətləri əhatə edir:

• Ekoloji sənədləşmə: Müxtəlif müəssisələr üçün ekoloji normativ sənədlərin hazırlanması, o cümlədən ekoloji pasportun tərtibi və ətraf mühitə təsirin qiymətləndirilməsi
• Emissiyaların və tullantıların inventarlaşdırılması: Atmosfer havasına atılan zərərli maddələrin, habelə tullantıların tam inventarlaşdırılması, təsnifatı və uçotu.
• Tullantıların idarə olunması: Bərk, maye və qaz halında olan tullantıların təhlükəsiz şəkildə toplanması, saxlanması, daşınması və zərərsizləşdirilməsi üçün prosedur və sistemlərin yaradılması, həmçinin təhlükəli və qeyri-təhlükəli tullantılar üzrə müvafiq təlimatların hazırlanması.
• Monitorinq və hesabatlıq: Ətraf mühitə buraxılan emissiyalar, sular və tullantıların davamlı monitorinqi, nəticələrin təhlili və illik hesabatların hazırlanması, müəssisədaxili ekoloji göstəricilərin izlənməsi.
• Ekoloji nəzarət və uyğunluq: Azərbaycan Respublikasının ekoloji qanunvericiliyinə uyğunluğun təmin edilməsi məqsədilə tədbirlər planlarının hazırlanması və həyata keçirilməsi.
• Maarifləndirmə və təlim: İşçi heyəti üçün nəzəri və praktik təlimlərin təşkili, daxili ekoloji mədəniyyətin və məsuliyyətli yanaşmanın inkişaf etdirilməsi.

Heyətimiz peşəkar yanaşma və müasir texniki həllər əsasında fərdi yanaşma təqdim edir, müəssisənizin ekoloji fəaliyyətinin qanunvericiliyə tam uyğunluğunu təmin edir və ətraf mühitin qorunmasına effektiv töhfə verir.